日料講求嘅係色自然味鮮美係烹飪上注重保留食物原汁原味對於刺身如此 對於碳烤類都唔例外磯燒水產用最簡單食材做最美味食物冰火兩重天讓你再次刷新對日料嘅認識
店面被木質外墻包圍，未入門就已經可以感受到滿滿和風，為食妹早就聽聞磯燒水產海鮮誘人，今日終於可以一探究竟！
推開門，暖色燈飾占眼球，明亮溫暖嘅燈光令人感到舒適輕鬆，置身其中仿佛遠離外面嘅喧囂。充滿日式居酒屋風格，收工同朋友來飲酒談心，釋放一日疲倦。
磯燒海鮮盛盒
磯燒海鮮盛盒除咗一大盤新鮮海產，仲包含壽喜燒、串燒、龍王卷、刺身同火鍋配料。店內會有專人為你進行“磯燒儀式”，2人份連同服務費先至524mop！睇住一樣樣食材在火中慢慢成熟，聞著獨特嘅炭火香，係一種極致享受~套餐詳情磯燒海鮮盛盒（軍艦虎蝦 蟶子王 大扇貝 鮑魚 北極貝）野菜白貝牛五花壽喜燒龍王卷四款刺身（三文魚 吞拿魚 北寄貝 甜蝦）精選串燒6款稻庭烏冬*2人份加服務費共524mop*壽司拼盤
無論係咩時候，壽司都係日料店標配，壽司拼盤可以解決“我要食咩嘢”嘅終極煩惱，一盤搞定你想食嘅所有嘢！
長條鰻魚壽司經過炙燒，表面微焦，刷上香甜醬汁，包裹著壽司飯一啖放入口中，溫熱嘅鰻魚沖淡了醋飯嘅冰冷，十分美妙~
請問有幾多人同為食妹一樣摯愛海膽？咬上一啖，來自海產特有嘅鮮味即刻溢滿口腔，壽司米溫度同海膽鮮美融為一體。
食海膽壽司仲唔夠？來一件帶子海膽“漢堡”喇~兩種極鮮之物碰撞，唔食過一定唔知有幾鮮甜。
三文魚魚肉色澤鮮明，肉質堅挺，咬係口中十分有彈性，魚油豐盈，魚肉豐腴，慢慢感受細膩餘香。
大阪燒
大阪燒作為大阪美食之魂，係日本超接地氣嘅民間小食，白菜絲墊底，再淋上均勻蛋液，煎至兩面金黃之後撒上魚籽，擠上蛋黃醬，美味大阪燒就出爐喇~
外層焦脆，內裡柔嫩，沾上甜口醬汁，食極都唔會滯！
明太子雞翼 將明太子釀入無骨雞翼中，漲卜卜嘅外形一睇就知道唔係一隻簡單嘅雞翼。
大家都知道為食妹最鐘意就係食雞翼，如果雞翼再加上明太子，咁簡直係摯愛中嘅摯愛！咬破焦脆嘅雞皮，明太子瞬間係雞翼中湧出，粒粒分明嘅明太子與雞翼結合，鮮香俱全。
手羽山香脆嘅雞中翼一上臺就已經飄來陣陣濃香，油炸物嘅魅力就在於充滿罪惡感卻又令人無法抗拒。
撕開雞翼，裡面保留住充盈嘅肉汁，中和咗外皮嘅乾身。聽話！一定要趁熱食先可以感受到熱辣辣嘅肉香。
鰻魚炒飯米飯喺鍋中翻滾過，散發熱騰騰嘅香味，炒飯裡面嘅鰻魚軟嫩有彈性，食之前將蟹籽攪拌均勻，軟綿中仲會帶有蟹籽嘅清脆。
磯燒水產
地址澳門林茂海邊大馬路信譽灣畔第一座C座地下鋪營業時間18:00~02:15電話2825-2702圖文 | KK攝影 | 嚕嚕米美工 | TT
